Pambungad ix -- Tunggalian ng Tatlong Interes, Agawan ng Territoryo sa Mindanao 1 -- Kasaysayan ng Paninirahan ng mga Lumad sa Mindanao, 1596-1898 15 -- Pamayanang Moro sa Mindanao, 1596-1898 (1) 36 -- Pamayanang Moro sa Mindanao, 1596-1898 (2) 64 -- Populasyon ng Katutubong Naging Kristiyano, 1596-1898 88 -- Teritoryo at Sakop ng Sultanato ng Sulu at Maguindanao (1) 107 -- Teritoryo at Sakop ng Sultanato ng Sulu at Maguindanao (2) 123 -- Paglalagom: Kalagayan ng Paninirahan sa Mindanao at Arkipelago ng Sulu, 1898 139 -- Bibliyograpiya 148 -- Apendiks A 156 -- Apendiks B 158 -- Apendiks C 168 -- Ang Awtor 172

Sa pag-aaral na ito, makikita kung ano ang imahen o iba't ibang imahen ng Mindanao at arkipelago ng Sulu noon, at paano nabuo ang kasalukuyan, pati na ang kasalukuyang mga tunggaliang buhay na buhay pa rin at humihingi ng dibdibang paghuhusay. Napakalalim at labis na masalimuot, problemang matagal nabuo, mga ilang siglo. Ilang taon na rinitong pinagsisikapang maayos, ang mismong negosasyon ay nagsimula pa noong Enero 1975, hanggang ngayon, katakot-takot na buhay at pawis na ang ibinuwis, higit sa 19 na panel ng gobyerno at rebelde ang binuo, napasabak, at hanggang ngayon, hinsi pa rin nagkakayari. Iba pa ang suliranin ng mga Lumad. Napadagdag pa ang Communist Party of the Philippines-New Peoples Army. Tila maraming bagay pa rin ang hindi nagaganap. Ang pagtukoy sa kasaysayan ng pamayanan ng Mindanao at Sulu ay isang mahalagang hakbang tungo sa paglilinaw ng mga problema at kung paano ito aayusin. Mas marami ang nakauunawa, mas mainam. Sana marami ang makaisip na sumulat ng sumunod na mga naganap, mula noong 1898 hanggang ngayon. Ang Aklat ng Bayan ay bahagi ng isang pangmatagalang proekto ng Komisyon sa Wikang Filipino (KWF) upang masimulan ang maaring ituring na "Aklatan ng Karunungan" (Library of Knowledge) na magtatampok sa kakayahan ng wikang Filipino bilang wika ng paglikha at saliksik. Sa ilalim ng proyekto, muling ililimbag ng KWF ang mga katangi-tanging pag-aaral sa wika, panitikan at kultura ng Filipinas; isasalin ang mga mahusay na akda mula sa mga wikang katutubo, panitikang-bayan man o bagong malikhaing pagsulat; isasalin ang mga dakilang akdang banyaga; ipasusulat o tatangkilikin ang mga bagong pag-aaral pangkultura; at ilalathala ang mga mahusayna tesis at disertasyon hinggil sa wika at panitikan ng bansa.